“O'zbekiston madaniy merosi – yangi Uyg'onish davri poydevori” V Xalqaro Kongressida qanday tadbirlar oʻtkazilishi aniq boʻldi

O'zbekiston madaniy merosi – yangi Uyg'onish davri poydevori V Xalqaro Kongressida qanday tadbirlar oʻtkazilishi aniq boʻldi

Kongress yurtimizning soʻlim Toshkent-Nukus-Xiva shaharlarida boʻlib oʻtadi

 

 

Dastlabki kunlari Kongress quyidagi shoʻbalarga boʻlingan holda oʻtkaziladi:

  • “Oʻzbekiston madaniy merosi jahon toʻplamlarida” loyihasi noshirlik faoliyatining yangi yoʻnalishlari;
  • “Oʻzbekiston obidalaridagi bitiklar – ajdodlar xitobini anglash yoʻlida”;
  • Madaniy merosni asrash va ommalashtirish ishida zamonaviy dunyo tajribasi;
  • Alisher Navoiy merosi: Buyuk mutafakkir merosiga yangicha qarash;
  •  Oʻzbekiston qoʻlyozma yodgorliklari: Asrlar qaʼridagi nur.

Kongress yakunida ishtirokchilar anʼanaviy tarzda Oʻzbekiston Respublikasi Prezidentiga murojaatnoma yoʻllashadi.

Ular Xiva shahridagi ichan-qalʼa yodgorlik majmuasida “Xiva – turk dunyosi madaniyati poytaxti” shiori ostida tantanali konsert dasturida ishtirok etishadi.

Shu bilan birga Xiva shahrida Oʻzbekiston Respublikasi Madaniyat vazirligi va YUNESKO hamkorligida “Markaziy Osiyo jahon  sivilizatsiyalari chorrahasida” mavzusidagi xalqaro forum ish boshlaydi.

Forum quyidagi shoʻbalarda ish olib boradi:

  • Markaziy Osiyoning barqaror rivojlanishi uchun ijtimoiy-gumanitar fanlar orqali hamkorlik va tajriba almashinuvi;
  • Zamonaviy ijtimoiy-gumanitar fanlar rivojida Markaziy Osiyo ilmiy va madaniy merosining hissasi;
  • Markaziy Osiyo merosi rivojida savdo, ilmiy va madaniy aloqalarning oʻrni;
  • Markaziy Osiyo madaniy merosi – mintaqadagi muloqot va hamkorlikning mustahkam asosi.

Unda oʻnlab mamlakatlardan kelgan olimlar yuzga yaqin maʼruza  bilan ishtirok etadi.

Navbatdagi manzil Nukus shahri. U yerda “Arxeologiya va turizm: salohiyatni belgilash va merosni boshqarish” mavzusida xalqaro arxeologiya konferensiyasi oʻtkaziladi.

Ayni shu manzilda “Jahon madaniyati sivilizatsiyasida baxshichilik sanʼatining oʻrni” mavzusidagi ilmiy anjuman ham oʻtkaziladi.

Eslatib o‘tamiz, avvalroq  “O‘zbekiston madaniy merosi jahon to‘plamlarida” kitob-albomlarining 15 ta yangi jildi havola qilinganligi haqida xabar berilgandi.