«Ичан-қалъа» музей-қўриқхонасида сақланаётган металл буюмлар тўплами

«Ичан-қалъа» музей-қўриқхонасида сақланаётган металл буюмлар тўплами

«Ичан-қалъа» музей-қўриқхонасида сақланаётган металл буюмлар (заргарлик буюмларидан ташқари) тўплами беш юздан ортиқ экспонатни ўз ичига олади.

Уларнинг 290 га яқини мис ва бронзадан ясалган турли уй-рўзғор буюмлари бўлиб, уларнинг аксарияти бадиий ўйма нақшлар билан безатилган.

Шунингдек, ушбу тўпламда Хоразм Халқ Республикасининг қоғоз пуллари учун фойдаланилган 104 та клише, тангалар учун фойдаланилган 10 та муҳр, 20 та штамп, 66 та муҳр сақланмоқда.

Бадиий металл буюмларни ишлаб чиқариш ҳунармандчиликнинг энг қадимги турларидан биридир. Хоразмда танга зарб этиш анъаналари кўп асрлар давомида такомиллаштирилган.

Минтақанинг ривожланишидаги ҳар бир тарихий давр металлдан ясалган ошхона идишларининг ажойиб намуналари билан ифодаланади

Жумладан, ушубу музейда илк ўрта асрларга оид зардуштийлик мавзуларига бағишланган сюжетлар акс эттирилган кумуш идишлар сақланмоқда.