Бугун Ўзбекистонда амалга оширилаётган «Ўзбекистон маданий мероси жаҳон тўпламларида» лойиҳаси ижтимоий, давлат ва халқаро ташкилотлар, ҳамда ижтимоий масъул бизнес вакилларининг ҳамкорлиги намунаси, шунингдек, Ўзбекистон Республикаси
Президенти Шавкат Мирзиёевнинг Ўзбекистон маданий меросини ўрганиш, сақлаш ва оммалаштириш борасидаги ташаббусларини ҳаётга татбиқ этишнинг ёрқин намунаси ҳисобланади.
Ушбу лойиҳа чет эллик олимлар, музей ходимлари ва мутахассисларининг фидокорона меҳнати туфайли бугунги кунгача сақланиб қолган артефактлар ва қадимги қўлёзмалардан тадқиқотчилар ва кенг жамоатчиликни баҳраманд килиш, музейлар ҳақидаги ҳаволалар, тадқиқот институтлари ва уларнинг ходимларининг исм-шарифлари зикр этилган ҳолда нашр этилиши кўзда тутилмоқда.
Турли сабабларга кўра, ўзбек халқининг кўплаб маданий ёдгорликлари, моддий буюмлари ва маданий асарлари Ватанимиздан олиб чиқиб кетилган.
Бир томондан бу факт — йўқотиш нуқтаи назаридан ачинарли, иккинчи томондан топилгани боис ижобий ҳолдир. Шу баҳона ўзбек халқининг буюк маданияти Ўзбекистондан ташқарида ҳам кенг танилди.
Шарқшунос олимлардан тортиб оддий музейга ташриф буюрувчиларгача бўлган турли миллат вакиллари ўзбек санъати билан танишдилар, уни ўргана бошладилар ва ушбу маданият анъаналарининг давомчилари тимсолидаги замонавий ўзбек халқига нисбатан чуқур ҳурмат ва илиқлик туйғуларини ҳис қилдилар.
Ҳозирги вақтда у қуйидаги йўналишлар бўйича амалга оширилмоқда:
