«Eriell Group» нефть хизмати кўрсатиш компаниясини, фаолиятининг 18 йиллиги билан табриклаймиз
Бугун - “Ўзбекистон маданий мероси- жаҳон тўпламларида” лойиҳасини амалга оширишда фаол иштирокчимиз, маслакдошимиз «Eriell Group» нефть хизмати кўрсатиш компанияси 18 ёшга тўлди!
Бизни қўллаб-қувватлаш орқали, «Eriell Group» компанияси- Ўзбекистон маданий меросини ўрганиш ва оммалаштиришга ўз ҳиссасини қўшишга интилади.
Албатта, лойиҳамиз сарчашмасида турган «Eriell Group» ҳамда «Enter Engineering»- биргаликда унинг муваффақиятида ҳал қилувчи роль ўйнади.
Бутунжаҳон ҳамжамияти, компанияларнинг:
- дунёнинг ўнлаб мамлакатларида, 50 дан ортиқ маданий тадбирлар ўтказишда;
- энг буюк қадимий Шарқ қўлёзмаларининг бебаҳо факсимиль нусхаларини нашр эттиришда;
- тарихий экспонатлар ва қўлёзмаларни асраб қолиш бўйича илғор илмий технологияларни жорий этиш мақсадида- “Ўзбекистон маданий мероси- жаҳон тўпламларида” туркумидан 50 та ҳашаматли безатилган китоб-альбомларни нашр эттиришда,
қўшган ҳиссаларини таъкидлади.
Mueller & Schindler Publishing House (Австрия) нашриётини ривожлантириш ва маркетинг бўйича вице-президенти- Александр Вильгельм, шундай дейди:
“Ўзбекистон томонидан амалга оширилаётган ноёб лойиҳанинг бир бўлаги бўлиш, биз учун катта шарафдир. Қадимги ва ўрта асрлар қўлёзмаларининг аниқ нусхаларини излаш, ўрганиш ва қайта тиклаш бўйича Бутунжаҳон жамиятининг илмий-тадқиқот амалиёти юксак ҳурматга сазовор бўлиб, мақсад ва кўлами жиҳатидан мисли кўрилмагандир. ERIELL Group ва Enter Engineering компаниялари кўмагида, Бутунжаҳон жамияти билан ҳамкорликда яратиш шарафига муяссар бўлган, маданий меросга оид 50 жилдлик китоб-альбомлар, шунингдек, факсимиль нашрлар- нафақат Ўзбекистон халқига, балки бутун дунё ҳамжамиятига ҳам бебаҳо туҳфа бўлди".
Марк Боннель- «Авиценна-Франция» халқаро ассоциацияси президенти, шундай изоҳ беради:
“Ўзбекистон Президентининг ўз мамлакатининг маданий меросига шунчалар эътибор ва эҳтиёткорлик билан муносабатда бўлаётганидан ҳайратдамиз. Лойиҳанинг конгресси ва бошқа тадбирлари, мисли кўрилмаган аҳамиятга эга бўлган, дунё миқёсидаги воқеалардир. Лекин уларни, республика ҳукумати ва ишбилармонлари – Янги Ўзбекистоннинг ҳақиқий ватанпарварларининг диққат- эътибори ва қўллаб-қувватлашисиз амалга ошириб бўлмас эди. “Ўзбекистон маданий мероси- жаҳон тўпламларида” лойиҳасини ERIELL Group ва Enter Engineering.компаниялари кучли қўллаб-қувватланганлари- жуда ажойиб иш. Ишончим комилки, бундай ҳамкорлар билан биз мислсиз натижаларга ва янги, қизиқарли кашфиётларга эришамиз”.
