Зардуштийларнинг дафн маросими билан боғлиқ ашёлари орасида ётган туя кўринишидаги зооморф ОСТАДОН бор.
У Анқа қалъасидан топилган, эрамиздан аввалги I аср - эрамизнинг I асрига оид бўлиши мумкин. Сопол, қўлда ишлов берилган, пиширилган.
Остадон юмалоқ шаклда. Белида катта тешиги бўлиб, ўркачли қопқоқ билан ёпилиши керак бўлган. Туянинг бўйни олдинга чўзилган, боши баланд кўтарилган. Калта думи думалоқ илгак кўринишида ўралган, у остадон тутқичи вазифасини бажарган.
Остадоннинг ҳар икки ён тарафида жуфт қилиб бир неча қуёш рамзлари ўйилган, улар доира шаклида, кўплаб нурлар таралган ва горизонталь ҳолатда жойлашган лотинча «С» кўринишидаги белгига эга. У Хоразм ҳукмдори бўлган сулола тамғаси ҳисобланади.
