“Gulf News”: O‘zbekiston Birlashgan Arab Amirliklari aholisi tashrif buyuradigan davlatlar ro‘yxatiga kiritilgan.

“Gulf News” nashri Birlashgan Arab Amirliklarining aholisi uchun 13 ta davlat qatori O‘zbekistonni ham dam olishga  tashrif buyuradigan shaharlar ro’yxatiga kiritdi.  Gazetaning yozishicha, Birlashgan Arab Amirliklari aholisi dunyoning 14 ta turli burchaklarida dam olishni afzal ko‘radi.

Ortiqcha pul to‘lamaslik uchun O‘zbekistonga chiptalarni oldindan bron qilish tavsiya etiladi.  “Kuchli talab tufayli kelgusi haftalarda tariflar oshishi kutilmoqda”, — deyiladi gazetada.

14 davlatdan iborat ushbu roʻyxatga Oʻzbekiston bilan birga Armaniston, Gruziya, Keniya, Singapur, Serbiya, Tailand, Maldiv orollari, Xorvatiya, Nepal, Gretsiya, Ozarbayjon, London va Turkiya ham kiradi.

Ma’lumot uchun: Gulf News – Birlashgan Arab Amirliklarining ingliz tilidagi kundalik gazetasi.  U birinchi marta 1978 yilda ishga tushirilgan va hozirda BAA va boshqa Fors ko'rfazi mamlakatlarida tarqatilmoqda.  Uning onlayn nashri 1996 yilda boshlangan.