Umuman olganda, Kushon davlatchiligi tarixida ikkita muhim davrni ajratib ko‘rsatish mumkin, Kanishka hukmronligi davri ularning chegaralarini belgilab bergan.
Birinchi, ilk davrlarda davlat tuzilishi va madaniyatining ko‘plab sohalarida ellin madaniyati ta’sirining xususiyatlari saqlanib qolgan, ikkinchi davrda esa bu an’analar qat’iyan rad etilgan va osiyoliklar, keng ma’noda Baqtriya va hind an’analari bilan bog‘liq yangi oqimga yondashilgan.
Rabotak podshosi Kanishkaning mashhur farmonida shunday deyilgan: «Va u (shoh Kanishka – E. R.) yunoncha *farmon chiqardi* (va) keyin uni oriy tiliga tarjima qildi» (bu yerda baqtriya tili nazarda tutilgan. – E. R.)4. Xuddi shu holatni kushon tangalarida ham ko‘rish mumkin: Kanishka davridan boshlab yunoncha yozuvlar va tangalarga bitilgan unvonlar baqtriya yozuviga almashtirilgan.
Kitobning ushbu qismida, kushonlar davlati tarixiga xos bo‘lgan umumiy masalalar bilan bir qatorda, asosan O‘zbekistonning hozirgi Surxondaryo viloyati – Shimoliy Baqtriyaning eng muhim qismlaridan biri haqidagi, xususan, bu hududlarga Kushon davlatchiligining tarqalishi bilan bog‘liq bo‘lgan manbalar tasvirlab berilgan.
Bu haqda batafsil ma’lumotni “O‘zbekiston madaniy merosi jahon to‘plamlarida” turkumidagi “Kushon podsholigi: sulolalar, davlat, xalq, til, yozuv va dinlar” (36-jild) kitob-albomidan olishingiz mumkin.
Loyiha bosh homiysi – Eriell-Group neft xizmatlari kompaniyasi.
