X–XI асрларга оид олтин қопламали патнис Сомонийлар амири ва Ғазнавийлар сулоласи вакили Абу Мансур ибн Сабуқтегинга мансуб экани билан алоҳида эътиборга лойиқ.
Патниснинг ўлчами 37 × 22 см бўлиб, у нафақат ҳашаматли ашё, балки халқ амалий санъатининг юксак даражадаги намунаси сифатида баҳоланади. Унга хос безаклар ва ишлов бериш услубида Сомонийлар ва Ғазнавийлар даври санъатининг уйғунлиги намоён бўлади. Бу маданий узвийлик икки сулоланинг ҳунармандчилик анъаналари ривожини кўрсатади.
Патнис — нафақат моддий маданият намунаси, балки тарих, санъат ва маданий мероснинг жонли гувоҳи сифатида алоҳида қадрланади. Ушбу бетакрор артефакт Ўзбекистондаги Ислом цивилизацияси маркази экспозициясида намойиш этилиши кутилмоқда.
