1964 йилда Самарқанд вилояти Ургут туманида бронза-жез даврига оид қазишмалар олиб борилган. Мўминобод қишлоғидаги археологик тадқиқотлар давомида суякдан ясалган най, сопол парчалари ва бошқа буюмлар топилган. Ҳатто қабрдаги чақалоқ қўлларидаги қўнғироқсимон зирак ва бошқа безаклар бу ҳудудда ўша даврда ҳунармандчилик ва санъат тараққий этганлигини кўрсатади.
Ҳозирги кунда ушбу най Самарқанд шаҳридаги Ўзбекистон маданияти тарихи музейида сақланмоқда. Шунингдек, най ҳақидаги ушбу тарихий меросни ёритиш мақсадида ҳужжатли фильм тайёрланиши ва найнинг замонавий нусхаси яратилиши режалаштирилган.
