Кўп асрлик анъаналарнинг сақловчилари билан танишув
Бугунги сонимиз ушбу санъатни мустақил равишда ўрганган Андижонлик ёғоч уймакор устаси Йўлбарсали Утегеновга бағишланган.
Бугунги кунда Йўлбарсали Утегенов бир қатор тарихий ва замонавий ёдгорликлардаги бадиий безакларнинг муаллифидир.
У ўндан ортиқ тарихий меъморий объектларни реконструкция қилишда қатнашган, шунингдек, Тошкентдаги Хотира ва Қадрлаш Майдони учун буюмлар ишлаб чиқарган, Самарқанддаги Имом аль Бухорий мажмуасида ишлаган.
Йўлбарсали Утегеновнинг махорати, шунингдек, уй рўзғор буюмлари, лавҳлар, қутичалар, ляганлар, қаламдонларни безашда ҳам номоён бўлади. Уста анъанавий уймакорликни замонавий мебель турлари билан синтез қилишга харакат қилади. Бугунги кунда уста юздан зиёд талабаларга эга, ўзининг ёғоч уймакорлиги мактабини яратган.
